Transcription
1
Reçue à Montélimar, le 21 août 1573.
2
Monsieur de Gordes, vous scavez de quelle affection jay tousiours embrassé la protection
3
des subiectz du Contat de Venisse et d’Avignon, et le desir que jay eu de leur repoz
4
non moindre que aux miens mesmes, continuant en ceste vollunté et intencion,
5
tout ainsi que je desire par le moien de mon eedict de paciffication reunyr mes
6
subiectz et remectre la paix en mon royaume et ne soient travaillez de la guerre ;
7
au moyen de quoy, je vous prie faire commandement très expres de par moy à
8
tous mes subiectz de votre gouvernement de ne rien atemter ou entreprendre sur lesdits
9
païs de notre Sainct Père sur peine de desobeissance, ains se comportent envers eulx
10
comme envers les miens, et en cas quilz en voullussent user autrement, et pareillement
11
ceulx d’Orenge, les en empescher par tous moiens, donnant assistance à
12
mon cousin le cardinal d’Armaignac en tout ce quil aura de besoing pour cest
13
effect ; masseurant aussi que mondit cousin ne leur donnera occasion de se douloir
14
et plaindre, priant Dieu, monsieur de Gordes, vous avoir en sa saincte garde.
15
Escript à Bologne, le VIIe jour d’aoust
16
1573
17
Charles
18
de neufville s[ecretair]e